ಸಂಕಷ್ಟದಲ್ಲಿರುವ ಬಡ ಕುಟುಂಬಗಳಿಗೆ ನೆರವಾದ ಬ್ಲಡ್ ಡೋನರ್ಸ್ ಮಂಗಳೂರು ಸಂಸ್ಥೆ

ಏಪ್ರಿಲ್ 01 :- ಕೋವಿಡ್-19 ಲಾಕ್ ಡೌನ್ ಭೀತಿಯಲ್ಲಿ ದಿನಗೂಲಿ ನೌಕರರಿಗೆ ಹಾಗೂ ತೀರಾ ಬಡ ಕುಟುಂಬಗಳಿಗೆ ಆಹಾರ ಸಾಮಾಗ್ರಿಗಳ ಅತೀವ ಅಭಾವ ಉಂಟಾದ ಹಿನ್ನೆಲೆಯಲ್ಲಿ ಹಾಗೂ ಜಿಲ್ಲೆಯಲ್ಲಿ ಕೋವಿಡ್-19 ಹಲವು ಪ್ರಕರಣ ದೃಢೀಕರಿಸಿದ ಹಿನ್ನೆಲೆಯಲ್ಲಿ ದಕ್ಷಿಣ ಕನ್ನಡ ಜಿಲ್ಲೆಯ ಒಂದು ಸಣ್ಣ ಗ್ರಾಮಕ್ಕೆ ಸಂಪರ್ಕಿಸುವ ಪ್ರಮುಖ ರಸ್ತೆಗಳಲ್ಲಿ ಪ್ರವೇಶ ನಿರ್ಬಂಧವಾದ ಹಿನ್ನೆಲೆಯಲ್ಲಿ ಯಾವುದೇ ಸಂಘ ಸಂಸ್ಥೆಗಳು ಈ ಪರಿಸರಕ್ಕೆ ತುರ್ತಾಗಿ ಧಾವಿಸಲು ಸಾಧ್ಯವಾಗಲಿಲ್ಲ.
ಒಂದೊತ್ತಿನ ಊಟಕ್ಕೂ ತೀರಾ ಕಷ್ಟವಾಗಿರುವ ಆಯ್ದ 15 ಕುಟುಂಬಗಳಿಗೆ ಬ್ಲಡ್ ಡೋನರ್ಸ್ ಮಂಗಳೂರು(ರಿ) ವತಿಯಿಂದ ತುರ್ತಾಗಿ ಆಹಾರ ಸಾಮಾಗ್ರಿಗಳ ಕಿಟ್ ವಿತರಿಸಲಾಯಿತು.
ಈ ಸಂದರ್ಭದಲ್ಲಿ ಬ್ಲಡ್ ಡೋನರ್ಸ್ ಮಂಗಳೂರು(ರಿ) ಕಾರ್ಯ ನಿರ್ವಾಹಕರಾದ ಫಾರೂಕ್ ರೊಮ್ಯಾಂಟಿಕ್ ಆತೂರು ,ಇಮ್ರಾನ್ ಉಪ್ಪಿನಂಗಡಿ ,ರಝಾಕ್ ಸಾಲ್ಮರ ಹಾಗೂ ಸ್ಥಳೀಯರಾದ ಅಝೀಝ್ ಕಕ್ಕೆಪದವು ,ಇಸ್ಮಾಯಿಲ್ ಕಕ್ಕೆಪದವು ,ಹಾರಿಸ್ ಮಂಚು ಮತ್ತು ಹಮೀದ್ ಕಕ್ಕೆಪದವು ಉಪಸ್ಥಿತರಿದ್ದರು.

• 

•